Թուրքական վերլուծական կենտրոններ. տեսություն և արդիականություն
Résumé
Ժամանակակից աշխարհում տեղի ունեցող գլոբալ փոփոխությունները, որոնք անմիջականորեն անդրադառնում են հասարակությունների ու պետականությունների վրա, վերլուծվում և գնահատվում են ոչ միայն ակադեմիական կառույցների կողմից: Դրանով զբաղվում են նաև վերլուծական կենտրոնները, որոնք արևմտյան հասարակությունում ստացել են «think-tank» այլ կերպ՝ «ուղեղային կենտրոն» անվանումը (այսուհետ՝ ՈւԿ)։ ՈւԿ-ների հետազոտության ոլորտներն այնքան բազմազան են, որ մասնագիտական գրականությունում շատ անգամ հնարավոր չի լինում այդ կառույցներին կոնկրետ սահմանում տալ։